அசை (யாப்பிலக்கணம் ) என்றால் என்ன?

அசை (யாப்பிலக்கணம் )

மொழியில் எழுத்தின் ஒலி-அளவை மாத்திரை எனக் கூறும் தமிழ் இலக்கணம் செய்யுளில் எழுத்துக்கள் சேர்ந்து அசையும் நடைத்தொகுப்பை அசைஎனக் கூறுகிறது. யாப்பிலக்கணத்தில் அசை என்பது எழுத்துக்களின் குறிப்பிட்ட, வரையறை செய்த சேர்க்கையினால் உருவாகும் ஓர் அடிப்படை உறுப்பாகும். அசைகள் சேர்ந்தே சீர்கள் உருவாகின்றன.

·         மாடு அசை போடும்போது வாயைத் திறந்து மூடுவது போல பாடலிலுள்ள சீரில் ஓசை விடுபட்டுச் சேர்வது அசை

  தொல்காப்பியம் நேர். நிரை. நேர்பு, நிரைபு என நான்கு அசைகளைக் காட்டுகிறது. தொல்காப்பியத்துக்குச் சுமார் 1500 ஆண்டுகளுக்குப் பின்னர் தோன்றிய யாபருங்கலமும், அதன் தொகுப்பாக அமைந்த யாப்பருங்கலக் காரிகையும் நேர்பு, நிரைபு என்னும் அசை-வாய்பாடுகளை விட்டுவிட்டு நேர், நிரை என்னும் இரண்டு வகை அசைநிலைகளை மட்டுமே காட்டுகின்றன.

கோழி, வேந்தன்			நேர் அசை
வெறி, சுறா, நிறம், குரால்			நிரை அசை
காது, காற்று, கன்று, காவு, கல்லு			நேர்பு அசை
வரகு, அரக்கு, மலாடு, பனாட்டு, கதவு, புணர்வு, உருமு, வினாவு			நிரைபு அசை
முதல் எழுத்து	இரண்டாம் எழுத்து	மூன்றாம் எழுத்து	எடுத்துக்காட்டு	சீர்நிலை
குறில்	-	-	அ, க	நேர்
நெடில்	-	-	ஆ, பூ	நேர்
குறில்	ஒற்று	-	அன், விண்	நேர்
நெடில்	ஒற்று	-	ஆள், தீர்	நேர்
குறில்	குறில்	-	அடி, மன	நிரை
குறில்	நெடில்	-	அடா, புகா	நிரை
குறில்	குறில்	ஒற்று	அடர், திகில்	நிரை
குறில்	நெடில்	ஒற்று	அதால், தொழார்	நிரை

1.